ផ្លែប៉ោមអាអូម៉ូរី ប្រទេសជប៉ុន

ផ្លែប៉ោមអាអូម៉ូរី របស់ប្រទេសជប៉ុនត្រូវបានគេចាត់ទុកថាជាផ្លែប៉ោមដ៏ឆ្ងាញ់បំផុតមួយនៅក្នុងពិភពលោក។

ផ្លែ ប៉ោម របស់ ជប៉ុន មាន ភាព ល្បីល្បាញ ទៅលើ គុណភាព ជា យូរ លង់ណាស់មក ហើយ។ ក្នុងចំណោមតំបន់ដែលដាំផ្លែប៉ោមសំខាន់ៗរបស់ប្រទេសជប៉ុន តំបន់ដែលលេចធ្លោជាងគេបំផុតគឺខេត្ត អាអូម៉ូរី ដែលមានទីតាំងនៅភាគខាងជើងនៃប្រទេសជប៉ុន ។ ខេត្តនេះត្រូវបានគេស្គាល់ថាជាខេត្តកំណើតរបស់ផ្លែប៉ោមជប៉ុនដំបូងគេបង្អស់ដែលមានប្រវត្តិជាង 140 ឆ្នាំមកហើយ។ ជារៀងរាល់ឆ្នាំខេត្ត អាអូម៉ូរី ផ្តល់ផលរហូតដល់ 60% នៃផលិតកម្មផ្លែប៉ោមសម្រាប់ប្រទេសជប៉ុន។ ទិន្នផលសរុបនៅឆ្នាំ 2020 បានកើនឡើងដល់ 463,300 តោន។

បច្ចុប្បន្ននេះ ខេត្ត អាអូម៉ូរី មានផ្លែប៉ោមឆ្ងាញ់ចំនួន 50 ពូជ ដែលក្នុងនោះពូជល្បីល្បាញបំផុត និងទទួលបានទិន្នផលខ្ពស់បំផុតគឺប្រភេទពូជ ហ្វឹជិ ដែលមានចំនួនប្រហែល 50%នៃទិន្នផលសរុប ។ ជារៀងរាល់ឆ្នាំ ផ្លែប៉ោមអាអូម៉ូរី តែងតែត្រូវបាននាំចូលប្រទេសវៀតណាមចាប់ពីខែធ្នូហើយលក់រហូតដល់រដូវចូលឆ្នាំថ្មី។ វាមានប្រជាប្រិយភាពយ៉ាងខ្លាំងពីសំណាក់អតិថិជនវៀតណាម ដោយសារវាមានទំហំធំ ពណ៏ស្អាតទាក់ភ្នែក រសជាតិឈ្ងុយឆ្ងាញ់ សាកសមជាកាដូក្នុងឱកាសនិទាឃរដូវ!